1. Bosh sahifa
2. Yangiliklar

Мевазор маҳалласи ички кўчаларига асфальт ётқизилди, ҳудудда электр таъминотини яхшилаш тадбирлари қизғин тусга кирди

×

Маҳаллалар инфратузилмасини комплекс ривожлантириш ва шу асосида аҳолининг турмуш даражасини ошириш мақсадида республика бюджети маблағлари ҳисобидан Ўзбекистон тумани “Мевазор” маҳалласида тоза ичимлик суви, йўл ва электр таъминоти борасидаги мавжуд муаммолар бартараф этилмоқда.

Шу мақсадда, маҳалланинг “Бунёдкор” ва “Нурафшон” кўчалари 700 метрдан зиёд масофада асфальтланди.

Айни кунларда ҳудудда электр таъминотини яхшилаш тадбирлари қизғин давом этмоқда. Хусусан, шу кунгача маҳаллага 150 та янги темир-бетон таянчлари ўрнатилиб, таянч устунлари яна етказиб келинмоқда.

Режа асосида маҳалла бўйлаб жами 300 дан зиёд электр таянчлари тўлиқ қад ростлаши билан бирга, янги ҳаво тармоқлари тортилиб, 3 та янги трансформатор ҳам ўрнатилиши белгиланган. 

Ҳукумат қарори асосида аввалроқ маҳаллада 2 километрга яқин масофада тоза ичимлик суви тармоғи тортилган эди.