1. Bosh sahifa
2. Yangiliklar

Бу юртда ҳар бир инсон азиз ва қадрли: Ўзбекистон туманида ота-она қарамоғидан маҳрум бўлган ўқувчиларга бепул мактаб формалари топширилди

×

Мустақиллигимизнинг 31 йиллигини муносиб кутиб олишга қизғин тараддуд кўрилаётган шу кунларда Ўзбекистон туманида “Янги Ўзбекистонда эл азиз, инсон азиз!” шиори остида навбатдаги хайрия тадбири ўтказилди.

Туман ҳокимлиги ташаббуси билан тумандаги умумтаълим мактабларида таҳсил олувчи 54 нафар чин етим ва ота-она қарамоғидан маҳрум бўлган ўқувчиларга мактаб формалари бепул совға қилинди.

Тадбирда иштирок этган туман сектор раҳбарлари ва Ўзбекистон Республикаси Олий Мажлис Қонунчилик палатаси депутати Мавлудахон Ходжаева инсон қадри улуғ бўлган юртда ҳеч ким меҳр ва эътибордан четда қолмаслигини таъкидлаб, болалар ва уларнинг яқинларини байрам билан қутлади. 

Бу каби ғамхўрликдан ўқувчилар ва уларнинг васийлари беҳад шод бўлиб, болалар янги ўқув йили олдидан улашилган қувончдан мамнунликларини билдиришган бўлса, ёши улуғлар юртда тинчлик, ўзаро меҳр-оқибат абадий бўлишини ният қилдилар.

Ўзбекистон тумани ҳокимлиги