1. Bosh sahifa
2. Yangiliklar

Қозиқузотлик ўқувчилар янги ўқув йилини кўркам зиё масканида бошлашади

×

Ўзбекистон туманидаги Хотамтой маҳалла фуқаролар йиғинига қарашли Қозиқузот қишлоғи аҳолиси ҳам мустақиллигимизнинг 31 йиллик байрамини қўшалоқ шодиёналар билан кутиб олмоқда. 

Aйниқса, ҳудуддаги 41-мактаб ўқувчиларининг қувончи чексиз. Сабаби улар айни пайтга қадар таълим олиб келаётган 1975 йилда барпо этилган ва сўнгги бор 2006 йилда капитал реконструкция қилинган мактабнинг 180 ўринли эски биноси “Обод қишлоқ” дастури асосида мукаммал таъмирланиб, янгича кўриниш ва шароитларга эга бўлди.

Мазкур бинонинг таъмирлаш ишларига 757 миллион сўм маблағ ажратилди.  

Бугун ушбу мактабнинг янги кўринишдаги биноси ҳам тантанали равишда фойдаланишга топширилди. Тадбирда туман ҳокими Шерзоджон Юлдашев бошчилигидаги сектор раҳбарлари иштирок этиб, маҳалла аҳлини, устоз-мураббийлар ва хотамтойлик ёшларни қўшалоқ шодиёна билан табриклади.

Ўзбекистон тумани ҳокимлиги