Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Болаларга беринг дунёни!
2022-06-01 22:44:00 123
Инсон умрининг кўрки ва мазмуни фарзанддир. Жажжи ва қалби беғубор болажонларни ардоқлаш, соғлом ўстириш, турли хуружлардан асраш, уларга таълим-тарбия бериш катталарнинг муқаддас бурчи ҳисобланади.
Халқаро болаларни ҳимоя қилиш куни бутун дунё болалари учун энг беғубор ва қувончли байрам ҳисобланади.
Юртимизнинг барча гўшаларида бўлгани каби бугун, 1 июнь "Халқаро болаларни ҳимоя қилиш куни" муносабати билан Ўзбекистон туманидаги барча масканларда ҳам жажжи қалб эгалари учун олам-олам қувонч улашилмоқда.
Байрам тадбирлари, жажжи кичкинтойларнинг ота-оналари ҳамроҳлигидаги оммавий сайллари Яйпан шаҳридаги Алишер Навоий номидаги маданият ва истироҳат боғида ҳам бўлиб ўтди.
Боғга ташриф буюрган туман ҳокими Шерзоджон Юлдашев жажжи кичкинтойлар ва уларнинг ота-оналари кайфияти билан қизиқиб, беғубор қалб эгаларининг қувончларига шерик бўлди.
Масъулларга аҳоли вакиллари ва уларнинг фарзандлари учун ҳар томонлама қулай шарт-шароитлар ташкиллаш, жамоат тартибини сақлаш, байрам шукуҳи ҳукмронлигини таъминлаш юзасидан зарурий тавсия ва кўрсатмалар берилди.
Тантаналар доирасида болаларни хушнуд этувчи кенг қамровли тадбирлар, турли лойиҳа ва акциялар болажонларнинг шодлигу-қувончларига сабабчи бўлди.
Ўзбекистон тумани ҳокимлиги
