Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Ўзбекистон туманида агро кластер томонидан логистика маркази ҳамда 1000 тонна сиғимга эга бўлган замонавий музлаткич қурилмоқда
2022-04-01 00:35:57 90
Ўзбекистон туманининг Хотамтой қишлоғида “Олтин водий мевалари” МЧЖ мева-сабзавотчилик агро кластери томонидан ўзига хос логистика маркази ҳамда минг тонна сиғимга эга бўлган замонавий музлаткич қурилмоқда.
Туман ҳокими Шерзоджон Юлдашев бугун ушбу лойиҳа доирасида амалга оширилаётган ишлар билан танишди.
1,3 гектар майдондан ўрин олган ушбу лойиҳа доирасида яшик ишлаб чиқариш цехи, омборхона, меҳмонхона ва божхона хизматларини йўлга қўйиш ҳам кўзда тутилганлиги маълум қилинди.
Таъкидланишича, лойиҳанинг умумий қиймати 3 млн. АҚШ долларини ташкил этиб, унинг биринчи босқичи жорий йилнинг июн ойига қадар ишга тушиши режалаштирилган. Натижада эса, 30 та доимий ҳамда 200 га яқин мавсумий янги ишчи ўринлари яратилиши белгиланган.
Туман раҳбари лойиҳа ташаббускорлари ҳамда масъуллар билан суҳбатлашиб, туманнинг қишлоқ хўжалиги, айниқса мева-сабзавотчилик салоҳиятидан унумли фойдаланиш, маҳсулот етиштирувчи ва кластерга бирдек манфаатли бўлган ҳамкорликни мустаҳкамлаш, экспорт ҳажмини ошириш юзасидан ўз таклиф ва кўрсатмаларини берди.
Ўзбекистон тумани ҳокимлиги
