1. Bosh sahifa
2. Yangiliklar

Наврўз - кўнгил ободлиги, уйғониш, тозариш ва янгиланиш фасли

×

Яшариш ҳамда янгиланиш, қут-барака, ободлик ва фаровонлик рамзи бўлмиш Наврўз арафасида маҳаллаларда, шаҳар ҳамда қишлоқларда ҳашарлар, кўкаламзорлаштириш тадбирлари кенг тус олади. 

Ўзбекистон тумани ҳудудларида ҳам Наврўз айёми арафасида байрамга муносиб тайёргарлик кўриш, бунёдкорлик ва ободлик ишлари кўтаринки руҳда давом этмоқда.

Ана шундай ободонлаштириш ва ҳайру-эҳсон тадбирлари туманнинг “Дўстлик” маҳалласида ҳам ташкил этилди. Маҳалла аҳлининг ўзаро бирдамлиги ва уюшқоқлиги билан оммавий ҳашар, ҳайру-эҳсон тадбирлари ўтказилди. Кўчалар, ички ариқлар тозаланиб, маҳалла қабристони обод этилди. “Яшил макон” умуммилий лойиҳаси доирасида эзгу ниятда манзарали ва мевали кўчатлар экилди. 

Ободонлаштириш юмушларидан сўнг жонлиқ сўйилиб, ҳашарчилар учун палов дамланди. Дуоларда янги фасл хонадонларга, қалбларга меҳр- мурувват ва саҳоват, қут-барака олиб кириши, юртга гўзаллик, тинчлик ва омонлик сўралди.

Ўзбекистон тумани ҳокимлиги