Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Янги оилавий поликлиника фойдаланишга топширилди
2022-01-22 00:07:42 83
Ўзбекистон туманида янги 94-сонли оилавий поликлиника фойдаланишга топширилди.
Кичик Оқмачит маҳалласидаги собиқ ҚВП биноси 1 миллиард 422 миллион сўмдан зиёд марказлашган маблағ ҳисобига қайтадан мукаммал таъмирланиб, замонавий тиббий жиҳозлар билан таъминланди.
Буткул янгича қиёфа касб этган муассасанинг бугунги очилиш маросимида туман ҳокими Шерзоджон Юлдашев, туман прокурори Музаффаржон Абдурахманов, маҳалла нуронийлари, тиббиёт ходимлари ва жамоатчилик вакиллари иштирок этди.
Бир кунда ўртача 150 қатновга мўлжалланган мазкур оилавий поликлиникада Ислом, Оқмачит ва Кичик Оқмачит маҳаллаларида яшовчи 10 минг 100 дан ортиқ аҳолига бирламчи тиббий санитария хизмати кўрсатилади.
Поликлиникада аҳолига кулайлик яратиш максадида бир қатор тиббий хизматлар кўрсатилиши назарда тутилган. Жумладан, оила шифокорлари ҳар 2 минг кишига бир нафардан белгилаб қўйилди.
Шунингдек, гинеколог, жарроҳ, терапевт, стоматолог ва УТТ врачи каби тор соҳа шифокорлари томонидан малакали тиббий хизмат кўрсатилиши билан бир қаторда 8 ўринли кундузги стационар ҳамда лаборатория хизмати йўлга қўйилди.
Муассаса энг замонавий русумдаги УТТ аппарати, ЭКГ, стомотологик кресло, биохимик анализатор каби тиббий ускуналар билан жиҳозланди.
Ўзбекистон тумани ҳокимлиги
