Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Яна бир билим маскани кўркамлашиб, қўшимча янги ўқув биноси ҳам барпо этилмоқда
2021-11-02 08:29:32 55
Ўзбекистон туманининг Қумбосди қишлоғида 45-умумтаълим мактаби мавжуд.
“Обод қишлоқ” давлат дастури асосида қишлоқда амалга оширилаётган бунёдкорлик ва ободонлаштириш ишлари доирасида айни кунларда мазкур билим маскани ҳам янгича кўриниш олмоқда.
Бундан роса 51 йил аввал, яъни 1970 йилда барпо этилиб, сўнгги бор 2008 йилда реконструкция қилинган таълим даргоҳида мукаммал таъмирлаш ишлари қизғин тус олган.
Фарғона вилояти ҳокимлиги “Ягона буюртмачи хизмати” инжиниринг компанияси буюртмаси асосида бош пудратчи “Сада” МЧЖ қурувчилари томонидан шу кунгача 10 дан ортиқ синф хоналари, 18х9 ҳажмдаги спорт зали ҳамда қатор ўқув иншоатларининг ички ва ташқи фасад қисмлари тўлиқ таъмирланди.
Шунингдек, мактабдаги мавжуд яна бир эски бино, синф хоналари ва йўлаклар мукаммал таъмирланиши билан биргаликда, 210 ўқувчи ўрнига эга бўлган икки қаватли янги ўқув биноси ҳам барпо этилмоқда.
Ушбу таълим масканини тез муддатларда фойдаланишга топширилиши билан бу ерда таҳсил олаётган 740 нафар ўқувчи ёшлар ва уларнинг устозларига муносиб шарт-шароитлар яратилади.
Ўзбекистон тумани ҳокимлиги Ахборот хизмати
