Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Ўзбекистон туманида қўл жанги бўйича “туман ҳокими кубоги” мусобақаси ўтказилди
2021-09-27 21:11:57 57
Ўзбекистон туманидаги болалар ва ўсмирлар спорт мактаби мажмуасида спортнинг қўл жанги тури бўйича туман ҳокими кубоги учун мусобақа ўтказилди.
Ўзбекистон ҳуқуқни муҳофаза қилиш органларининг Қўл жанги федерацияси Фарғона вилоят бўлими, туман ҳокимлиги ва бир қатор спорт ташкилотлари ҳамкорлигида ташкил этилган мусобақада 2 кун давом этди.
Унда вилоятимизнинг 10 дан ортиқ шаҳар ва туманларидан ташриф буюрган 250 нафардан зиёд ёш спортчилар иштирок этди.
Тадбирнинг очилиш маросимида туман ҳокими Шерзоджон Юлдашев бошчилигидаги сектор раҳбарлари, федерациянинг Фарғона вилоят бўлими раҳбарининг ўринбосари Файзулло Ортиқбоев иштирок этиб, мусобақа иштирокчиларини самимий муборакбод этишди ва беллашувларда омадлар тилади.
Асосий мақсад сифатида кенг жамоатчилик ўртасида соғлом турмуш тарзини татбиқ этиш, оммавий спортни ривожлантириш ҳамда ёш спортчиларнинг маҳоратини оширишга қаратилган спорт тадбири қизғин курашларга бой ўтди.
Якунда ғолиб ва совриндорлар кубок, диплом, медаль ва эсдалик совғалари билан тақдирландилар.
Ўзбекистон тумани ҳокимлиги Ахборот хизмати
