1. Bosh sahifa
2. Yangiliklar

Сайёр қабул - халқ билан мулоқотнинг самарали усули

×

Бугун барча давлат идоралари фаолиятида аҳолининг мурожаатлари билан ишлаш бўйича сифат жиҳатидан мутлақо янги тизим яратилди. Жойларда ўтаётган сайёр қабуллар халқнинг дардини эшитиш, уларнинг муаммоларини ҳал этишда, албатта, кутилган натижаларни бермоқда.

Ўзбекистон туманида ҳам ташкил этилаётган сайёр қабулларда сектор раҳбарлари ва бошқа масъуллар томонидан фуқаролар билан юзма-юз мулоқот қилиниб, уларнинг муаммо ва таклифлари ўрганилмоқда.

Хусусан, бугун туман ҳокими, 1-сектор раҳбари Шерзоджон Юлдашевнинг навбатдаги қабули "Зиё Нурсух" маҳалласида бўлиб ўтди. 

Унда иштирок этган фуқароларнинг банк кредити, тадбиркорликни ривожлантириш, ички кўчаларни асфальтлаштириш, Юқори Кенагас маҳалласига янги электр симларини тортиш, моддий ёрдам, кадастр ва бошқа масалаларга оид мурожаатлари кўриб чиқилди. 

Бевосита қабулда ҳозир бўлган ҳамда шу кунгача давлатимиз раҳбари номига мурожаат йўллаган фуқароларнинг 40 дан ортиқ мурожаатларини атрофлича ўрганиб чиқиб, ҳал этиш чоралари белгиланди. 

Ўзбекистон тумани ҳокимлиги Ахборот хизмати