Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Марказий шифохонага олиб борувчи Ғалаба кўчасини асфальтлаштириш ишлари бошланди
2021-07-05 21:25:32 55
Хабар берилганидек, Ўзбекистон тумани марказий шифохонаси, тез тиббий ёрдам бўлими каби бир қатор тиббиёт муассасалари ва бошқа ижтимоий объектларга олиб борувчи асосий йўллардан бири Ғалаба кўчаси мукаммал таъмирланмоқда.
Бугун эрта тонгдан кўчага янгидан асфальт ётқизиш ишлари бошланди.
Туман йўллардан фойдаланиш унитар корхонаси йўлсозлари ва жалб этилган махсус техникалар ёрдамида кўчани равон этишга киришилди.
Ўзбекистон тумани ҳокими Шерзоджон Юлдашев мазкур жараёнлар билан танишиш учун таъмирланаётган кўчага ташриф буюрди. Ободонлаштириш ишларини кузатган туман раҳбари, мутасаддиларга белгиланган вазифаларни ўз муддатида ва сифатли амалга ошириш юзасидан кўрсатмалар бериб, навбатида қилиниши лозим бўлган вазифалар келишиб олинди.
Ўзбекистон тумани ҳокимлиги Ахборот хизмати
