1. Bosh sahifa
2. Yangiliklar

Ўзбекистон туманида ғалла ўримига киришилди

×

Ғалла - ризқ ва ноз неъмат, уни нес-нобуд қилмасдан ўриб-йиғиб олиш эса шарафли ва масъулиятли вазифадир.

Бу йил Ўзбекистон туманида жами 5 минг 960 гектар майдонда бошоқли дон етиштирилди. Мавсумда ўрим-йиғим ишларини самарали ташкиллаштириш мақсадида жами 22 та отряд тузилган. Ўрим-йиғим ишларида 22 та комбайндан самарали фойдаланилади.

Шунингдек, 120 та дон ташиш техникаси, 4 та кўчма устахона, 5 та ёқилғи мойлаш материаллари кўчма шохобчалари техник кўрикдан ўтказилиб, ўрим-йиғим мавсумига шай ҳолатга келтирилди.

Ғалла ўрим-йиғими иштирокчиларини моддий рағбатлантириш мақсадида мавсум бошидан отряд раҳбарлари ва комбайн операторларининг ҳар бирига 2 млн. сўм, отряд раҳбарларининг ўринбосарлар ва ёрдамчи операторларга эса 1 млн. сўмдан нақд пул тарқатилди.

Туман миришкорлари бу йил 21 минг 330 тоннадан ортиқ улкан дон хирмони яратишни олдиларига мақсад қилишган.

Ўзбекистон тумани ҳокимлиги Ахборот хизмати