1. Bosh sahifa
2. Yangiliklar

Ўзбекистон-Корея халқаро университети олипиадасида муносиб натижаларни қўлга киритган Ўзбекистон туманилик 5 нафар битирувчилар муддатидан аввал талаба бўлди

×

Кеча, 28 май куни Фарғона шаҳридаги Ўзбекистон Корея халқаро университетида математика, физика, информатика фанларидан олимпиаданинг вилоят босқичи бўлиб ўтди.

“КИУФ олимпиадаси” дея номланган билимлар баҳси вилоят xалқ таълими бошқармаси ва Ўзбекистон Корея xалқаро университети билан ҳамкорликда ташкил этилди. 

Қувонарлиси, унда иштирок этган 9 нафар битирувчи ўқувчиларимиздан 5 нафари ўз фан йўналишлари бўйича муносиб натижаларга эришдилар. 

Хусусан, 65-ихтисослаштирилган давлат умумтаълим мактаб-интернатининг бира тўла 4 нафар битирувчиси -

Аббосхон Абдужалилов информатика фанидан 2-ўринни қўлга киритиб, 9600 АҚШ долларлик сертификатга, 

Самандар Садриддинов ва Иззатилло Убайдуллаевлар информатика фанидан 3-ўринни қўлга киритишиб, ҳар бирлари 6400 АҚШ долларлик сертификатга, 

Салохиддин Мухиддинов физика фанидан 2-ўринни қўлга киритиб, 9600 АҚШ долларлик сертификатга эга бўлишган бўлса, 

62-мактаб ўқувчиси Шерзодбек Қўшбоев техник муҳандислик йўналиши бўйича 3-ўринни эгаллаб, 6400 АҚШ долларлик сертификатни қўлга киритди.

Шу билан биргаликда, ушбу 5 нафар иқтидор эгалари Фарғона шаҳридаги Ўзбекистон Корея xалқаро университетига тест синовларисиз ҳамда қўшимча имтиҳонларсиз кириш имтиёзига эга бўлдилар. Яъни, бешовлон зукко ўқувчилар муддатидан аввал талабалик сафига қабул қилиндилар.

Ўзбекистон тумани ҳокимлиги Ахборот хизмати