Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
«Прокурор кубоги» ғолиблари аниқланди
2021-04-29 22:02:15 105
Аввал хабар берганимиздек, Ўзбекистон тумани Болалар-ўсмирлар спорт мактабида спортнинг миллий кураш тури бўйича “Туман прокурори кубоги” мусобақаси ташкил этилди.
Ёшларнинг бўш вақтларини мазмунли ташкил этиш, улар ўртасида оммавий спортни ривожлантириш ҳамда соғлом турмуш тарзини кенг тарғиб қилиш мақсадида ташкилланган мусобақада тумандаги маҳаллалардаги яшовчи 17-30 ёшли 200 дан ошиқ уюшмаган ёшлар вакиллари 10 та вазн тоифасида гиламга чиқдилар.
Кеча, 28 апрел куни мусобақанинг финал босқичи бўлиб ўтди. Унда Ўзбекистон тумани прокурори Мирзобедил Назаров қатнашиб, ёш курашчиларни спорт байрами билан табриклади ва мусобақа ғолибларига вилоят босқичида ҳам улкан омадлар тилади.
Якунда мусобақа ғолиблари ҳамда фаол иштирокчилар медал, диплом ва эсдалик совғалари билан тақдирландилар.
Ўзбекистон тумани ҳокимлиги Ахборот хизмати
