Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Ўзбекистон туманида иккинчи жаҳон уруши қатнашчилари ҳолидан хабар олинди
2021-04-28 22:04:10 66
Хотира ва қадрлаш - халқимизнинг асрий қадриятлари, улуғ фазилатларидан биридир.
Ўзбекистон туманида ҳам Хотира ва қадрлаш куни муносабати билан кенг кўламдаги маданий-маърифий тадбирлар старт олди.
Туманга ташриф буюрган Шарқий ҳарбий округ қўшинлари ҳарбий хизматчилари, ҳарбий оркестр ва тарғибот жамоаси, туман ёшлари иштирокида марказий кўчаларда Ғалаба маршини ташкил этиб, тумандошларимизга ўзгача кайфият улашди.
Шарқий ҳарбий округ қўшинлари ҳарбийлари, туман мудофаа бўлими, туман ҳокимлиги масъуллари ва ёшлар вакиллари сўнгра, туманда истиқомат қилувчи Абдупатто ота Абдурахмонов ва Абдуллажон ота Қодиров хонадонида бўлишди.
Меҳмонлар Уруш фахрийларини яқинлашиб келаётган Хотира ва қадрлаш куни ва иккинчи жаҳон урушида эришилган ғалабанинг 76 йиллиги билан қизғин қутлаб, эсдалик совғаларини топширишди.
Учрашув давомида отахонлар ватан озодлиги учун кечган жанглар, урушдан кейинги қизғин меҳнат фаолияти тўғрисида гапириб бердилар. Бугунги дориломон кунларнинг қадрига етинг, энди ҳеч қачон уруш бўлмасин, дея дуо қилдилар.
Ўзбекистон тумани ҳокимлиги Ахборот хизмати
