1. Bosh sahifa
2. Yangiliklar

Туман ҳокимининг навбатдаги сайёр қабули “Пасткиқўриқ” маҳалласида ўтказилди

×

Ўзбекистон тумани ҳокими, 1-сектор раҳбари Қахрамонжон Джураев “Пасткиқўриқ” маҳалла фуқаролар йиғинида сайёр қабул ўтказиб, аҳоли билан учрашди.

Тегишли туман ташкилот ва муассасалар раҳбарлари ҳам аҳоли мурожаатларини эшитиш учун маҳаллада жам бўлишди.

Очиқ мулоқот шаклида ташкил этилган қабулда фуқаролар томонидан билдирилган мурожаатлар тингланиб, уларга ижобий ечим топиш бўйича чоралар белгиланди. 

Мазкур мурожаатларнинг аксарияти тоза ичимлик суви таъминоти, электр энергияси сифати, ички йўлларни таъмирлаш, кредит ва суюлтирилган газ балони олиш ҳамда бандликни таъминлаш каби масалаларга оид бўлди.

Хусусан, қабулда иштирок этган фуқаролардан 12 та мурожаатлар қабул қилиниб, уларнинг 5 таси шу куннинг ўзида қаноатлантирилди, 4 та мурожаат юзасидан ҳуқуқий тушунтиришлар берилди. Муддат талаб этадиган 3 та мурожаатларни ҳал этиш бўйича мутасаддиларга тегишли топшириқлар берилиб, ижро назоратга олинди.

Ўзбекистон тумани ҳокимлиги Ахборот хизмати