1. Bosh sahifa
2. Yangiliklar

“Янги Ўзбекистон — янгича дунёқараш” маънавий-маърифий тадбирлари ўтказилмоқда

×

Мамлакатимизда амалга оширилаётган ислоҳотларнинг мазмун-моҳияти ва аҳамиятини кенг жамоатчиликка етказиш, энг чекка-чекка қишлоқларимизга кириб бориш, аҳоли кайфиятини кўтариш мақсадида Ўзбекистон туманида “Янги Ўзбекистон – янгича дунёқараш” маънавий-маърифий тарғибот тадбирлари бўлиб ўтмоқда.

Кеча,  дастлабки намуна сифатида “Шакаробод” маҳалласида ташкил этилган тарғибот тадбирлари, бугун ҳам Яйпан шаҳар "Туркистон", "Эски Яйпан", "Беруний", "Яйпан гузар", "А.Жомий" ва "Бозор Яйпан" каби маҳаллаларда кўтаринки кайфиятда давом этди.

Мазкур тадбирларда тарғибот гуруҳи аъзолари, маҳалла фаоллари, нуронийлар, ёшлар ва кенг жамоатчилик вакиллари иштирок этмоқда.

Тадбирлар доирасида спортнинг оммалашган турлари бўйича қизиқарли мусобақалар, китобхонликни тарғиб қилувчи кечалар ташкилланмоқда.

Сўнгги йилларда амалга оширилган ислоҳотлар натижаларига бағишланган видеоролик тадбир иштирокчиларида илиқ таассурот уйғотмоқда.

Шунингдек, таниқли санъаткорлар, туман маданият бўлими хонандалари, болалар мусиқа ва санъат мактаби ўқувчиларининг саҳнавий чиқишлари, куй-қўшиқлари, Ватан ва тинчликни, тинч-осуда, обод ҳаётни тараннум этилган шеърлари йиғилганларга аъло кайфият улашмоқда.

Таъкидлаб ўтиш жоиз, тарғибот тадбирлари тумандаги барча маҳаллаларда ўтказилиши белгиланган.

Ўзбекистон тумани ҳокимлиги Ахборот хизмати