Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Туман ҳокими ўзига бириктирилган шароити энг оғир оилалар ҳолидан хабар олди
2024-09-13 15:29:34 288
Президентимиз Шавкат Мирзиёев раислигида куни кеча, 11 сентябр куни маҳаллаларда камбағалликни қисқартириш, камбағал оилалар билан ишлаш тизимини янги босқичга олиб чиқиш чора-тадбирлари юзасидан ўтказилган видеоселектор йиғилишида юртимиздаги 14 минг раҳбарнинг ҳар бирига 5 тадан шароити энг оғир оила бириктирилиши белгиланди.
Ушбу топшириқ ижросини таъминлаш мақсадида Ўзбекистон тумани ҳокими Шерзоджон Юлдашев ўзига бириктирилган эҳтиёжманд ва камбағал оилалар ҳолидан хабар олиб, уларни ҳар томонлама қўллаб-қувватлаш мақсадида турмуш шароитларини яқиндан ўрганмоқда.
Хусусан, туман раҳбари бугун Пасткиқўриқ маҳалласида яшовчи Муслимахон Ғофурова ва Ҳаётхон Матисаевалар хонадонида бўлиб, оилалар ижтимоий аҳволи билан атрофлича танишди.
Хонадон эгалари билан мулоқотларда уларнинг касб кўникмалари, қизиқишлари ўрганилди ва ушбу оилаларни камбағалликдан чиқариш бўйича индивидуал чора-тадбирлар белгиланди.
