1. Bosh sahifa
2. Yangiliklar

Туман прокурори ташаббуси билан эҳтиёжманд оилаларнинг уйлари таъмирлаб берилди

×

Ўзбекистон туманида оғир ижтимоий аҳволга тушиб қолган, эҳтиёжманд оилаларнинг муаммоларини ўрганиш ва ҳал этиш борасида тизимли тадбирлар амалга оширилмоқда.

Туман сектор раҳбарлари ташаббуси билан, саховатпеша инсонлар ва маҳалла фаоллари кўмагида ҳудудларда ана шу эзгу амаллар ҳомийлик асосида давом этмоқда.

Хусусан, туман прокурори, 2-сектор раҳбари Обиджон Собировнинг бевосита ташаббуси билан “Дўстлик” маҳалласида якка-ёлғиз яшовчи, 68 ёшли Рохатой она Рустамова ҳамда “Наймансой” маҳалласида истиқомат қилувчи, ногиронлиги бўлган фарзандини тарбиялаётган ёлғиз аёл Гулнорахон Каримованинг уй-жойлари таъмирлаб берилди.

Бугун туман сектор раҳбарлари жамоатчилик ҳамроҳлигида ушбу хонадонларда бўлиб, уларнинг эгалари қувончига шерик бўлдилар.

Кўркам қиёфага келтирилган хонадонларнинг соҳибаларига сиҳат-саломатлик ва оилавий хотиржамлик тиланиб, мустақиллик айёми арафасида якунига етган хайрли ишларнинг барча фаолларига миннатдорчилик билдирилди.