Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
“Жаҳолатга қарши - маърифат” ғояси асосидаги тарғибот тадбирлари давом этмоқда
2024-05-28 15:45:26 390
Ижтимоий-маънавий муҳит барқарорлигини таъминлаш, айниқса ёшларни турли ёт ғоялар таъсиридан ҳимоялаш, динлараро ҳамда миллатлараро тотувликни мустаҳкамлаш мақсадида Ўзбекистон туманидаги маҳалла ва масканларда “Жаҳолатга қарши-маърифат билан” ғояси асосида ижтимоий-маънавий муҳитни янада яхшилашга қаратилган тарғибот-ташвиқот тадбири давом этмоқда.
Ана шу мазмундаги тадбирлар бугун туманнинг “Тинчлик” ва “Қумбосди” маҳаллалари жамоатчилиги иштирокида ташкилланди.
Унда туман ҳокимлиги, маънавият ва маърифат маркази туман бўлинмаси ва бошқа ҳамкор ташкилотлар мутасаддилари қатнашдилар.
Очиқ мулоқот тарзида ўтган давра суҳбатларида аввало она Ватанга муҳаббат, мамлакатимизда инсон манфаати учун олиб борилаётган кенг кўламли ислохотлар ва бунёдкорлик ишлари, диний бағрикенглик тушунчалари муҳокама қилинди. Юртимизда ҳукм сураётган тинчлик ва осойишталикни қадрига етиш, ёшлар тарбиясида доимо огоҳ ва сергак бўлиш ва ҳамда миллий қадриятларимизни уларнинг онгига сингдиришда маҳалла жамоатчилигининг таъсири аҳамиятли эканлигига тўхталинди.
