1. Bosh sahifa
2. Yangiliklar

Ўзбекистон туманидаги мактабларда ҳарбийлаштирилган синфлар очилди

×

Ўзбекистон туманидаги 21 ва 24-умумтаълим мактабларида “Ёш гвардиячилар” ихтисослаштирилган синфлари ташкил этилди. 

Шу муносабат билан ўтказилган тадбирда Миллий гвардия Фарғона вилояти бўйича бошқармаси бошлиғи ўринбосари Анваржон Мусинов, тизим вакиллари, устоз-педагоглар ва кенг жамоатчилик вакиллари иштирок этди. 

Ўқувчилар тадбир давомида жанговор машқларини намойиш этди. Шу куни махсус воситалар кўргазмаси ҳам ташкил этилди.

Таъкидланишича, жорий қилинаётган ушбу тизим орқали, ўқувчиларни ватанпарварлик руҳида тарбиялаш, “ҳуқуқбузарликка қарши иммунитет” ҳосил қилиш мақсад қилиб олинган. “Ёш гвардиячилар” ҳарбий синф ўқувчилари одатий дарс жараёнларида ҳарбий кийим кийган ҳолда қатнашади. Ёш гвардиячиларга, спорт машғулотлари ва қўл жанги санъатлари чуқур ўргатилади.