1. Bosh sahifa
2. Yangiliklar

“Сулаймон” маҳалла фуқаролар йиғинида 2 та янги трансформатор ва 245 та янги темир-бетон таянчлари ўрнатилди

×

Ўзбекистон туманида аҳолини сифатли электр энергияси билан таъминлаш, тизимдаги мавжуд муаммоларни бартараф этишга қаратилган манзилли тадбирлар олиб борилмоқда. 

Хусусан, “Обод хонадон – обод кўча – обод маҳалла” дастури асосида кенг кўламли бунёдкорлик ва ободонлаштириш ишлари олиб борилаётган “Сулаймон” маҳалла фуқаролар йиғинида ҳам шу кунгача жами 245 дона темир-бетон таянчлари ва 160 кВа қувватли 2 та янги трансформатор ўрнатилди. 

Туман энергетиклари лойиҳа доирасида ҳудудда 1000 метр 6 кВли ва 3 минг 300 метр замонавий СИП кабелли, жами 4,3 км ҳаво тармоқларини тортиб улгуришди.  

Айни кунларда ушбу ҳаво тармоқларидан аҳоли хонадонлари (ҳисоблагичлар)га тармоқ тортиш ишларига киришилди.