Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Ўзбекистон туманида ҳарбий ватанпарварлик тадбирлари давом этмоқда
2024-02-23 18:06:52 607
Ёшлар ўртасида ватанпарварлик руҳини ошириш, уларнинг қалби ва онгида дахлдорлик туйғуларини кучайтириш, олийжаноб фазилатлар устувор бўлишига эришиш мақсадида Ўзбекистон туманида кенг миқёсдаги ҳарбий ватанпарварлик тадбирлари бўлиб ўтмоқда.
Фарғона ҳарбий прокуратураси, туман ҳокимлиги, мудофаа ишлари бўлими, миллий гвардия, ҳарбий қисмлар ва бошқа ҳамкор ташкилотлар томонидан шу кунларда туманнинг чегара олди ҳудудларидаги маҳалла ва таълим масканларида ташкилланаётган бундай тадбирларга ёшларнинг кенг қатлами қамраб олинмоқда.
Бугун Шакаробод маҳалласидаги 10-мактабда бўлиб ўтган тадбирда 28, 35-мактаблар ўқувчилари, маҳалла ёшлари ҳам фаол иштирок этдилар.
Тадбирда сўз олганлар сўнгги йилларда юртимизда, хусусан, миллий армиямизда амалга оширилаётган кенг ислоҳотлар, ҳарбий хизматчилар учун яратилган шарт-шароитлар ва имтиёзлар ҳақида гапиришди.
Кўргазмали чиқишлар, ҳарбий қурол-аслаҳа ва техникалар намойиши барчага манзур бўлиб, бевосита тадбир иштирокчилари бўлган ёшлар спорт мусобақаларида ҳам иштирок этдилар.
Ёшларни ватанпарварлик руҳида тарбиялаш, миллий армиямизга ишонч туйғусини янада юксалтириш мақсадида ўтказилаётган тарғибот тадбирлари жойларда давом этмоқда.
