Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Ёш истеъдод эгаларининг ҳисобот концерти намойиш этилди
2023-12-25 19:43:05 608
Ўзбекистон туманидаги 23-сонли болалар мусиқа ва санъат мактабининг йиллик ҳисобот концерти бўлиб ўтди.
Ўқувчи ёшлар ҳамда уларнинг ота-оналари, мусиқа ва санъат ихлосмандлари, жамоатчилик вакиллари иштирок этган дастурда сўз олган мутасаддилар ўтиб бораётган йил ҳам мактаб учун ижобий натижаларга бой бўлганлигини таъкидлашди. Мактаб ўқувчилари республика ва халқаро миқёсдаги кўплаб танловларда салмоқли ютуқларни қўлга киритганликлари эътироф этилди.
Дастур доирасида ёш истеъдод эгалари томонидан тайёрланган саҳнавий чиқишлар, маромига етказиб ижро этилган куй-қўшиқ ва рақслар олқишлар билан кутиб олинди.
Маълумот ўрнида, мазкур мактабда жами 400 нафардан зиёд йигит-қизларга 70 нафар устоз-мураббийлар 11 та йўналишда мусиқа ва санъат сирларидан сабоқ бериб келишмоқда.
