1. Bosh sahifa
2. Yangiliklar

Янги йил ярмаркаси фаолиятини янада такомиллаштириш, байрам арафасида деҳқон бозорида аҳолига ҳар томонлама қулай ва муносиб шароитларни яратиш тадбирларини кучайтириш юзасидан масъулларга аниқ вазифалар белгилаб берилди

×

Байрамлар олдидан туман аҳлига кафолатли ва арзон нархларда қишлоқ хўжалиги ва озиқ-овқат маҳсулотлари етказиб бериш анъанага айланган.

Яқинлашиб келаётган Янги йил байрами олдидан ҳам Яйпан шаҳридаги марказий деҳқон бозори ҳудудида қишлоқ хўжалик ва озиқ-овқат маҳсулотларининг анъанавий савдо ярмаркалари ташкил этилди. Унда деҳқон ва фермер хўжаликларида етиштирилган, маҳаллий саноат корхоналарида ишлаб чиқарилган  озиқ-овқат маҳсулотлари аҳолига арзон нархларда таклиф этилмоқда.

Бугун Ўзбекистон тумани ҳокими Шерзоджон Юлдашев мазкур арзонлаштирилган ярмарка фаолияти билан танишди. Сектор раҳбарлари, мутасадди орган ва муассасалар вакиллари ҳамроҳлигидаги ўрганишлар давомида туман раҳбари ташкилланган жараёнларни кўздан кечириб, ярмарка фаолиятини янада такомиллаштириш, маҳсулот турларини кўпайтириш, аҳолига сифатли ва юқори савияда хизмат кўрсатиш юзасидан мутасаддиларга аниқ топшириқлар берди.

Шу куни бозордаги нарх-наво, санитар ҳолат, аҳоли учун яратилган қулайликлар, маҳсулотларнинг нархи ва сифати, тўлиқлиги ва заҳираси ҳам ўрганилди. Сотувчи ва харидорлар билан суҳбатлашилди. 

Туман ҳокими соҳа масъулларига нархларни асоссиз равишда ошириш ҳолатларини олдини олиш, расталардан маҳсулотларни узмаслик ҳамда аҳолига мақбул нархларда етказиб беришни таъминлаш, бозор ҳудудида аҳолига ҳақиқий байрамона кайфият улашиш борасида барча манба ва имкониятларни ишга солиш юзасидан яна бир бор аниқ вазифалар топширди.

Бозорга туташ ҳудуд ва кўчаларда автомобиллар ҳаракатланишини, хусусан йўл бўйида бетартиб тўхташларини тартибга солиш масаласига алоҳида эътибор қаратилиб, бу бўйича ҳам мутасадди органлар вакилларига зарурий кўрсатмалар берилди.