1. Bosh sahifa
2. Yangiliklar

Халқаро ногиронлар куни муносабати билан Қудашдаги "Мурувват уйи"да тадбир ўтказилди

×

Халқаро ногиронлар куни муносабати билан Ўзбекистон туманидаги Қудаш “Мурувват” ногиронлиги бўлган шахслар учун аёллар интернат уйида маданий тадбир ва байрам дастурхони ташкилланди.

Ижтимоий ҳимоя миллий агентлигининг Фарғона вилояти бошқармаси, Ўзбекистон касаба уюшмалари федерациясининг вилоят Кенгаши ва туман ҳокимлиги ҳамкорлигида ташкилланган тадбирда сўз олганлар, ногиронлиги бўлганларга ижтимоий ёрдам кўрсатиш, моддий ва маънавий қўллаб-қувватлаш, уларнинг жамиятда ўз ўринларини эгаллашларига имконият яратиш борасида мамлакатимизда амалга оширилаётган ишлар ҳақида тўхталиб, бугунги тадбир ҳам ана шундай давомли ғамхўрликнинг ифодаси эканлигини таъкидладилар.

Эзгуликка йўғрилган тадбир давомида даволанувчиларга меҳр кўрсатилиб, совғалар тарқатилди ва уларга соғлик-саломатлик тиланди.

Тадбирда янграган куй-қўшиқлар ҳам ижтимоий муассасада яшовчилар қалбига хушнудлик улашди.