Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Рамазон ҳайити байрами арафасида Мурувват уйида яшовчиларга меҳр ва қувонч улашилди
2023-04-21 00:36:44 152
Рамазон ҳайити байрами арафасида Ўзбекистон тумани ҳокимлиги ташаббуси билан тумандаги Қудаш “Мурувват” ногиронлиги бўлган шахслар учун аёллар интернат уйига навбатдаги йўқлов ташкилланди.
Байрам йўқловида туман ҳокими Шерзоджон Юлдашев бошчилигидаги ҳокимлик мутасаддилари ва жамоатчилик вакиллари иштирок этиб, меҳрга ташна қалбларга шодлик улашилди.
Тадбирда сўз олган туман раҳбари муассасада яшовчилар ҳамда уларни меҳр ила парваришлаётган тиббиёт ходимларини муборак айём билан самимий қутлаб, инсон қадри улуғланаётган юртимиздаги барча шифоталабларга, хусусан мазкур муассасада яшовчиларга мустаҳкам соғлик ва кўнгил хотиржамлигини тилади.
Байрамона дастурхон атрофидаги дилдан суҳбатлар, меҳрга тўла илиқ сўзлар ва самимий эътибор масканда яшовчилар учун қувонч баҳшида этди.
