1. Bosh sahifa
2. Yangiliklar

Чекка қишлоқларда ҳам замонавий савдо марказларини кўпайиши хизматлар соҳаси ривожига омил бўлмоқда

×

Ўзбекистон туманининг чекка қишлоқларида ҳам шаҳарлардан қолишмайдиган савдо марказлари, маиший хизмат кўрсатиш масканларини ишга тушириш орқали, туманда хизматлар соҳасини ривожлантиришга эришилмоқда. 

Бугун ана шундай замонавий савдо марказларидан бири туманнинг Зиё Нурсух маҳалласида фойдаланишга топширилди. 

Мажмуанинг очилиш тадбирида иштирок этган туман ҳокими Шерзоджон Юлдашев туман марказидан олис ҳудудларда ҳам ана шундай шароитларга эга бўлган савдо масканларининг ишга тушиши, албатта аввало шу ҳудуд аҳолиси манфаатларига, уларга кўплаб қулайликлар яратишга хизмат қилишини таъкидлади. Тадбиркорларнинг ташаббуслари, муносиб меҳнатлари эътироф этилиб, янги мажмуанинг фойдаланишга топширилиши билан қишлоқ аҳлини қутлади.

Қайд этилишича тадбиркор Валижон Муродов ташаббуси билан ишга туширилган мажмуанинг лойиҳа қиймати 1 миллиард сўмдан зиёдни ташкил этган. Бу ерда 5 минг хил турдан зиёд озиқ-овқат ва ноозиқ-овқат маҳсулотларини харидорларга сифатли хизмат, шинам ва қулай харид муҳити билан тақдим этилиши билан, 7 та янги иш ўрни яратилишига ҳам эришилган.