Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Тарғиботчилар гуруҳи “Ёш китобхон” республика танлови ғолибининг мактабида бўлдилар
2022-06-01 01:44:14 154
Ўзбекистон туманида “Янги Ўзбекистон – инсон қадри улуғланган юрт” шиори остида ўтказилаётган маънавий-маърифий тадбирлар доирасида тарғиботчилар гуруҳи 2021 йилги “Ёш китобхон” республика танлови ғолиби Муҳаммадфозил Исмоилов таҳсил олаётган 50-умумтаълим мактабига ташриф буюрди.
Муҳаммадфозилнинг севимли устозларидан бири - ижодкор шоира Сайёра Тўйчиева ҳамда Ёдгора Зиямуҳамедова, Фарида Умарова каби эл ардоғидаги кино ва театр актрисалари, ҳушовоз хонандалар ва маънавият тарғиботчиларидан иборат тарғибот гуруҳи мактаб жамоаси, устоз-мураббийлар, ёшлар ва маҳалла аҳли вакиллари билан учрашди.
Китоб, илм-фан ва маънавият тарғиботига бағишланган самимий мулоқот, бадиий чиқишлар, куй-қўшиқлар тадбир иштирокчиларига ўзгача қувонч бағишлади.
Тарғиботчилар мактаб ўқувчилари, ёшларга китоб жамланмалари тақдим этиб, юксак илму-зиё чўққиларини забт этишларини тилашди.
Фестиваль доирасидаги маданий-маърифий тадбирлар туманимиз маҳаллаларида кўтаринки руҳда давом этмоқда.
Ўзбекистон тумани ҳокимлиги
