1. Bosh sahifa
2. Yangiliklar

Ўзбекистон туманида навбатдаги медиа-тур ўтказилди (фоторепортаж)

×

Ўзбекистон туманида оммавий ахборот воситалари вакиллари ва журналистлар учун навбатдаги медиа-тур ўтказилди.

ОАВ вакиллари дастлаб туманнинг “Қумбосди” маҳалла фуқаролар йиғинида бўлиб, аҳоли хонадонларида томорқадан фойдаланиш маданияти билан танишдилар.

620 та хонадонда 3200 дан зиёд аҳоли истиқомат қиладиган маҳаллада 29 та иссиқхоналар ҳам мавжуд бўлиб, шундан 3 таси бевосита ҳоким ёрдамчисининг ташаббуси билан ташкил этилган.

Шунингдек медиа-тур иштирокчилари “Шўрсув” маҳалла фуқаролар йиғинида ҳам бўлиб, ҳудудда атроф-муҳит мусаффолигини асраш, экологияга салбий таъсир кўрсатувчи омилларни камайтириш юзасидан олиб борилаётган ишлар билан ҳам танишдилар.

Журналистлар, Шўрсувда ташкилланган сел ва тошқинларнинг олдини олиш ва бартараф этиш, аҳоли ва ҳудудларни фавқулодда вазиятлардан муҳофаза қилиш юзасидан махсус ўқув тактик машғулоти ҳамда аҳолини тиббий кўрикдан ўтказиш жараёнларида ҳам иштирок этишди. Бевосита соҳа мутасаддилари ва аҳоли вакиллари билан суҳбатлашилди.

Медиа-тур иштирокчиларининг навбатдаги манзили туманнинг “Қўрғонча” маҳалласида бўлиб, ҳудудда электр таъминоти сифатини яхшилаш борасида амалга оширилаётган ишлар ўрганилди.

Ўзбекистон тумани ҳокимлиги