Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Ёшлар билан ишлашда жорий этилган янгича тизимнинг тумандаги ижроси муҳокама қилинди
2022-04-15 23:37:08 80
Бугун Ўзбекистон тумани ҳокимлиги мажлислар залида Маҳаллаларда ёшлар билан ишлаш масалаларини мувофиклаштириш буйича туман комиссиясининг йиғилиши бўлиб ўтди.
Унда туман ҳокими Шерзоджон Юлдашев, ҳоким ўринбосарлари, ДХХ туман бўлими вакиллари, мавжуд 75 та маҳаллалардаги ёшлар етакчилари ҳамда тегишли ташкилот ва муассасалар раҳбарлари иштирок этди.
Йиғилишда Ўзбекистон Республикаси Президентининг 2022 йил 19 январдаги “Маҳаллаларда ёшлар билан ишлаш тизимини тубдан такомиллаштириш чора-тадбирлари тўғрисида”ги ПҚ-92-сонли қарори асосида туманда амалга оширилаётган ишлар батафсил муҳокама қилинди.
Масъулларнинг бу борадаги ҳисоботлари тингланди.
Қайд этилдики, туманда ёшлар билан ишлаш, уларнинг бўш вақтини мазмунли ўтказишда турли спорт мусобақалари, маънавий-маърифий тадбирлар, адабий кеча ва учрашувлар уюштирилиши, албатта, ўз самарасини кўрсатаётгани билан, баъзи йўналишларда камчилик ва хатолар ҳам йўқ эмас.
Хусусан, махаллаларда ёшлар етакчилари фаолияти юзасидан тайёрланган ҳисоботларни вилоят комиссиясига тақдим этиш, туманда ёшлар балансини шакллантириш ва “Ёшлар дафтари” доирасида ишлаш билан боғлиқ бир қатор камчиликлар йиғилишда танқидий муҳокама қилинди.
Соҳа масъулларининг ушбу йўналишда шахсий масъулликларини янада оширишлари яна бир бор уқтирилиб, келгусидаги муҳим вазифалар юзасидан зарурий чора-тадбирлар белгилаб олинди.
Ўзбекистон тумани ҳокимлиги
