Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Ўзбекистон туманида энг намунали сардорлар кенгаши аниқланди
2022-03-24 21:48:27 140
Бугун Ўзбекистон туманида Ёшлар ишлари агентлиги, ёшлар иттифоқи, Маънавият ва маърифат маркази туман бўлинмаси ҳамда халқ таълими бўлимлари ҳамкорлигида анъанавий ўтказиб келинаётган “Энг намунали сардорлар кенгаши” кўрик-танловининг туман босқичи бўлиб ўтди.
“Камалак” болалар ташкилотининг мактаблардаги cардорлар кенгашлари ўртасида ташкил этилган танловда ҳудудий саралаш босқичларида ғолибликни қўлга киритган 4 жамоа баҳслашди.
Иштирокчилар сардорлар кенгаши томонидан амалга оширилаётган ишларни бадиий чиқишлар орқали таништирди. Шунингдек, жамоалар бугунги кунда болалар ўртасида долзарб бўлган муаммолар ечими бўйича янги лойиҳаларини саҳнада кўргазмали воситалар орқали ҳимоя қилди. Бундан ташқари, жамоа аъзоларининг билимлари ҳам синовдан ўтказилди.
Қизғин баҳс-мунозараларга бой беллашувда 2-мактаб жамоаси биринчиликни қўлга киритди ва танлов ғолиби бўлди. 29-мактаб жамоаси иккинчи, 3- ва 11-мактаблар жамоалари эса учинчи ўринни эгалладилар.
Туман ҳокимлиги ҳамда Ёшлар иттифоқи вилоят Кенгаши мутасаддилари қатнашган тантанали тадбирда ғолиб ва фаол иштирокчиларга диплом ҳамда эсдалик совғалари топширилди.
Ўзбекистон тумани ҳокимлиги
