Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Наврўз байрами муносабати билан Иккинчи жаҳон уруши қатнашчиси Абдуллажон ота Қодиров ҳолидан хабар олинди
2022-03-22 13:48:45 158
Наврўз айёмида Ўзбекистон тумани ҳокими Шерзоджон Юлдашев бошчилигидаги мутасаддилар ва жамоатчилик вакиллари Элаш қишлоғида яшовчи иккинчи жаҳон уруши фахрийси Абдуллажон ота Қодиров хонадонида бўлишди.
Уруш қатнашчисининг ҳолидан хабар олиниб, давлатимиз раҳбари номидан байрам совғалари топширилди.
98 ёшни қаршилаётган асл матонат соҳиби билан дилдан суҳбатда, юртимиз равнақи, халқимиз фаровонлиги йўлидаги хизматлари эътироф этилиб, узоқ умр ва мустаҳкам соғлиқ тиланди. Отахон ва уларнинг оила аъзоларига Наврўз айёми тилаклари билдирилди.
Албатта, ўз ўрнида Абдуллажон ота ҳам бугунги дориломон кунларнинг қадрига етиш кераклигини таъкидлаб, хонадонлардан тинчлик-хотиржамлик ва қут-барака аримаслигини тилаб дуо қилди. Президентимиз томонидан Иккинчи жаҳон уруши қатнашчиларига кўрсатилаётган доимий ғамхўрлик учун миннатдорчилик билдирди.
Ўзбекистон тумани ҳокимлиги
