1. Bosh sahifa
2. Yangiliklar

Туман ҳокими “Шўрқишлоқ” маҳалласи ёшлари ва аҳолиси билан учрашди: ҳар бир мурожаат алоҳида назоратга олинди

×

Ўзбекистон тумани ҳокими Шерзоджон Юлдашевнинг тумандаги Халқ қабулхонаси ҳамда ҳоким ёрдамчилари билан ҳамкорликдаги навбатдаги сайёр қабули бугун “Шўрқишлоқ” маҳалласида ўтказилди.

Туман ташкилотлари раҳбарлари, тегишли мутассаддилар ҳам қатнашган сайёр қабулда аввал ҳудуд ёшларининг, сўнгра маҳалла аҳлининг таклиф ва мурожаатлари тингланди.

21 нафар ёшлар ҳамда 15 нафар фуқаролар томонидан билдирилган мурожаатларининг аксарияти ишга жойлашиш, уй-жой олиш, тадбиркорликни ривожлантириш, кадастр, банк кредитлари, моддий ёрдам, маҳалла инфратузилмасини яхшилаш, деҳқончилик ва тадбиркорлик учун ер ажратиш каби масалаларга оид бўлди.  

Кўтарилган ҳар бир масала, мурожаат ва ташаббуслар атрофлича кўриб чиқилиб, масалаларнинг ечими юзасидан шу жойнинг ўзида масъуллар бириктирилди ва ижроси назоратга олинди.

Ўзбекистон тумани ҳокимлиги