1. Bosh sahifa
2. Yangiliklar

Ободлик ва фаровонлик маҳалладан бошланади

×

Аввал хабар берилганидек, айни кунларда Ўзбекистон туманининг “Яйпан гузар” ва А.Жомий номли маҳалла фуқаролар йиғинларида жойлашган кўп квартирали уйларда кенг кўламли ободонлаштириш ишлари олиб борилмоқда.

Ҳудуддаги мавжуд мавжуд муаммоларни бартараф этиш, маҳаллаларни обод ва кўркам масканга айлантириш, уларда яшовчи аҳоли турмуш шароитини яхшилаш мақсадида бир қатор амалий тадбирлар бажарилмоқда.

Хусусан, кўп қаватли уйларнинг фасад қисмлари таъмирланиб, бўяш ишлари қизғин давом этаётган бўлса, вилоят Уй-жой коммунал хизмат кўрсатиш бошқармаси кўмагида ҳудуддаги 12 та уйнинг том қисмларини буткул янгилаш чоралари кўрилмоқда. 

Туман ҳокими Шерзоджон Юлдашев, бугун ушбу масканда бўлиб амалга оширилаётган ишлар билан танишди. Соҳа мутахассислари, қурилиш-пудратчи ташкилотлар ва маҳалла фаоллари билан бажарилаётган ишлар самарадорлиги муҳокама қилинди.

Белгиланган вазифаларни ўз муддатида ва сифатли амалга ошириш, уйларнинг қиёфасини тубдан яхшилаш, атроф муҳит тозалигини таъминлаш юзасидан масъулларга қўшимча кўрсатма ва тавсиялар берилди.

Ўзбекистон тумани ҳокимлиги