Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Олий Мажлис қонунчилик палатаси депутати сайловчилар билан учрашмоқда
2021-11-30 17:03:14 79
Шу кунларда Олий Мажлис Қонунчилик палатаси депутатлари ўз сайлов округларида бўлиб сайловчилар билан учрашмоқдалар. Жойлардаги муаммоларнинг ижобий ечим топишига кўмаклашилмоқда.
Бу ҳақда ЎзЛиДеП Фарғона вилояти Кенгаши хабар бермоқда.
Хусусан, Олий Мажлис Қонунчилик палатаси депутати Мавлудахон Ходжаева айни кунларда Ўзбекистон туманида сайловчилар билан учрашувлар ўтказмоқда.
Депутат тумандаги “Элчи”, “Кичик Оқмачит”, “Беруний” ва “Учбулак” маҳалла фуқаролар йиғинларида сайловчилар билан учрашди. Учрашувларда сайловчилар билан мулоқотлар ташкил этилди.
“Юзма-юз мулоқотларда мактаб биносини таъмирлаш, мактабгача таълим ташкилоти қуриш, тоза ичимлик суви билан таъминлаш, электр энергияси, ички йўлларни таъмирлаш билан боғлиқ 15 дан ортиқ масалалар кўтарилди. Ушбу масалаларнинг айримлари туман мутасадди ташкилотлар вакиллари ёрдамида ҳал этилди. Айрим масалалар навбатдаги дастурларга киритиладиган бўлди”, дейилади ЎзЛиДеП вилояти Кенгаши хабарида.
Халқ вакилининг ҳудуддаги ўрганишлари давом этмоқда.
