1. Bosh sahifa
2. Yangiliklar

Яйпан шаҳар маҳаллаларининг ички кўчаларига навбат етди

×

Ўзбекистон туманида маҳаллий йўллар ҳолатини яхшилаш, уларни жорий таъмирлаш ва асфальтлаш ишлари жадаллик билан давом эттирилмоқда.

Шу кунгача туман марказидан олис ҳудудлардаги кўплаб маҳаллалар ички йўллари равон ва соз ҳолатга келтирилди ҳамда бу ишлар айни кунларда ҳам тўхтагани йўқ. 

Кўчаларни янги қиёфага келтириш навбати Яйпан шаҳар маҳаллаларига ҳам етиб келди.

Шу кеча-кундузларда манзилли дастур асосида “Беруний” маҳалласининг Гулистон кўчаси бўйлаб 2000 кв. метр масофада асфальт ётқизилди.

Шунингдек, туман марказидаги маҳаллалардан бири “Бозор Яйпан”нинг Гулшан, Улуғбек ва А.Қаҳҳор кўчаларидаги 3 минг 600 кв. метр йўл асфальтлаштирилди.

Маълумот учун, жорий йилнинг ўтган даври давомида туманда 8 миллиард сўмдан ортиқ маблағ эвазига 27 км йўлга асфальт ётқизилган, 4 км йўл шағаллаштирилган. 

Туман бўйлаб йўлларни созлаш ишлари давом этмоқда.

Ўзбекистон тумани ҳокимлиги Ахборот хизмати