Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Мингтут маҳалласида аҳоли бандлигини таъминлашга қаратилган кўплаб лойиҳалар амалга оширилади
2021-03-04 23:44:45 131
Мингтут маҳалласи туман марказидан энг олисда жойлашган, шунингдек аҳоли сони кўп маҳаллардан бири ҳисобланади. Маҳалладаги 1210 га яқин хонадонда 6330 дан ортиқ аҳоли истиқомат қилади. Аҳолининг 3400 га яқини хотин-қизларни ташкил этади.
Ўзбекистон тумани ҳокими Шерзоджон Юлдашев ҳудудларни ижтимоий-иқтисодий ривожлантириш, “Маҳаллабай” тизими асосида амалга оширилаётган ишлар билан танишиш мақсадида бугун мазкур маҳаллада бўлди.
Ҳудуд аҳолиси, айниқса хотин-қизларнинг бандлигини таъминлашга қаратилган янги лойиҳаларнинг бажарилишини ўрганди.
Маҳалла раисининг ташаббуси билан ҳудудга ташаббускор тадбиркор жалб этилиб, аёллар куз-қишки кийимлар ишлаб чиқариш цехи очилган.
Ташкил этилганига хали бир хафта бўлмаган цехда айни кунларда 20 дан ортиқ хотин-қизларнинг бандлигини таъминлашга эришилди.
Маълум қилинишича, Хитой давлатидан босқичма-босқич келтирилаётган замонавий дастгоҳлар ёрдамида, йил сўнггигача 200 нафар хотин-қизлар, кейинги йилда эса яна 100 нафар аёлларнинг бандлигини таъминлаш кўзда тутилган.
Туман ҳокими истиқболли дея баҳоланаётган мазкур лойиҳанинг дастлабки натижалари ҳамда келгусидаги режалар ҳақида маҳалла раиси Ғайратжон Тошпўлатов ва цех иш бошқарувчиси билан суҳбатлашди.
Цехдаги бўш иш ўринларига маҳалла хотин-қизларини янада кўпроқ жалб этиш, бу орқали уларнинг бандлигини таъминлаш қамровини ошириш ва оила даромадларини кўпайтириш юзасидан ўз тавсияларини берди.
Ўзбекистон тумани ҳокимлиги Ахборот хизмати
