Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
ЎЗБЕКИСТОН ТУМАНИ ҲОКИМИ ҚАХРАМОНЖОН ДЖУРАЕВНИНГ БАЙРАМ ТАБРИГИ
2020-12-13 16:26:32 109
Ассалому алайкум азиз дўстлар!
Қишлоқ хўжалиги соҳасининг жонкуярлари, фахрийлари!
Аввало, барчангизни Қишлоқ хўжалиги ходимлари куни билан чин қалбимдан табриклаб, энг эзгу ва самимий тилакларимни билдираман.
Мамлакатимизда қишлоқ хўжалиги соҳаси ривожини янги босқичга кўтариш ва уни комплекс модернизация қилиш, соҳага инновацион технологиялар, замонавий илм-фан ютуқларини, кластер тизимини кенг жорий этиш, озиқ-овқат хавфсизлигини таъминлаш борасидаги ишлар амалий самараларини бермоқда. Туманимиз деҳқонлари ҳам баракали ҳосил етиштириш мақсадида йил бўйи самарали меҳнат қилиб салмоқда натижаларга эришдилар.
Туманимиз қишлоқ хўжалиги соҳасида ўз тажрибаси, салоҳиятига эга бўлган ҳудудлардан бири ҳисобланади. Кўплаб тажрибали фермерларимизнинг ютуқлари эътирофга сазовордир.
Азиз дўстлар! Фидойи деҳқонлар, қишлоқ хўжалиги ходимлари!
Жамиятимизнинг энг меҳнаткаш, фидойи инсонлари ҳисобланган сиз азизларни меҳнатингизни хар қанча эътироф этсак оздир. Чунки барчамизни ер боқади, кийинтиради. Дастурхонимиз тўкинлиги, бозорларимиз гавжумлиги сизнинг шарофатингиз, хизматингиз билан, десам адашмаган бўламан.
Жорий мавсум охирлаб, йил натижалари сарҳисоб қилинаётган мана шу қутлуғ айёмда сизларга, қишлоқ хўжалиги ходимларининг барчасига ана шундай олижаноб меҳнатингиз учун ўз номимдан, туманимиз аҳли номидан катта раҳматлар айтиб, чин қалбимдан миннатдорлик билдираман.
Қадрли дўстлар!
Сизларни яна бир бор “Қишлоқ хўжалиги ходимлари куни” билан чин дилдан табриклайман.
Барчангизга сиҳат-саломатлик, ишларингизга янги-янги ютуқлар, хонадонларингизга файзу барака тилайман.
Ҳеч қачон дард кўрманг, кам бўлманг!
