1. Bosh sahifa
2. Yangiliklar

Ўзбекистон туманида 1085 нафар кишига коронавирусга қарши бепул дори-дармон ва ҳимоя воситалари тарқатилди

×

Туманимиздаги эҳтиёжманд оилаларга коронавирусга қарши дори-дармон ва ҳимоя воситалари тарқатилди.

        Мазкур махсус дори қутиларида бактерия ҳамда вирусларга қарши, иммунитетни кўтарувчи 21 турдаги дори воситалари, витаминлар, тиббий ниқоблар ва антисептик геллар жамланган.

         Иккинчи жаҳон уруши қатнашчилари, меҳнат фронти фахрийлари, Чернобил ҳалокатини бартараф этишда иштирок этган шахслар, Афғон уруши иштирокчилари, якка-ёлғизлар, эҳтиёжманд оилаларга қиймати 350 минг сўм бўлган дори-дармонлар тўплами бепул етказиб берилди.

        Таъкидлаш жоизки, пандемия даврида туман аҳолисини етарли дори-дармон билан таъминлаш мақсадида туман тиббиёт бирлашмаси омборида 180 турдаги 725 миллион сўмлик дори-дармон ва тиббий буюмлар захираси яратилган.

        Шунингдек, бугунги кунда туманимизда фаолият олиб бораётган 11 та ижтимоий ва 41 та хусусий дорихонада инфекцияга қарши ва ижтимоий аҳамиятга эга 343 турдаги дори воситалари ҳамда тиббий буюмлар мавжуд.

 Ўзбекистон тумани ҳокимлиги Ахборот хизмати