Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Бугун, Ўзбекистон туманидаги “Ҳомийлик хайрияларини мувофиқлаштириш маркази” томонидан 41 та мурожаатчиларга бирламчи ёрдамлар етказилди
2020-04-22 19:01:41 56
“Ҳомийлик хайрияларини мувофиқлаштириш маркази”да иш қизғин.
Карантин даврида очиғи, турли қийин вазиятларга тушиб қолган оилалар йўқ эмас, уларнинг барчасига имкон қадар ёрдам беришга ҳаракат қилинмоқда, аммо биринчи галда бирламчи озиқ-овқатга муҳтож юртдошларимизни тўлиқ қамраб олинмоқда.
Сахий инсонлар, тадбиркорлар ва муассасалар томонидан тақдим этилаётган хайрия маҳсулотлари санитар-гигиеник талабларга мувофиқ кўрикдан ўтказилиб, қабул қилинмоқда. Тегишли тартибда тақсимланиб, манзилга етказилгунга қадар санитар-гигиеник талабларга мувофиқ сақланиши таъминланмоқда.
Бугун, 22 апрель куни марказ орқали 4 та сектор ҳудудларида истиқомат қилувчи ногирон, боқувчисини йўқотган, кам таъминланган ва ижтимоий ҳимояга муҳтож бўлган 41 та оилаларга бирламчи озиқ-овқат маҳсулотлари етказиб берилди.
Бу ташкил қилинган ҳайрли ишлардан аҳоли мамнунлигини билдиришмоқда.
Ҳайрли ва саҳоватга йўғрилган ишлар давом этмоқда.
Азиз фуқаролар, сизлардан илтимос қилиб қолар эдик-ки, карантин даврида карантин қоидаларига қатъий риоя қилиб, ўзингизни ва яқинларингизни асранг!
Ўзбекистон тумани ҳокимлиги Ахборот хизмати