1. Bosh sahifa
2. Yangiliklar

Ўзбекистон тумани ҳудудларида дезинфекцияловчи туннель ва махсус мосламалардан кенг фойдаланилмоқда

×

Ўзбекистон тумани ҳокимлиги томонидан туманимиз ҳудудида пандемияга қарши курашиш юзасидан қатор чора-тадбирлар амалга оширилмоқда.

Хусусан, юқумли касалликни кириб келиши ва тарқалишини олдини олиш бўйича янгича самарали усуллар, замонавий лойиҳалардан фойдаланиш ишлари давом этмоқда.

Бугун “Деҳқон бозори”нинг асосий кириш дарвозаси олдига ҳамда туманга кириб келувчи вақтинчалик карантин постларига ўрнатилиб, ишга туширилган дезинфекцияловчи махсус туннел ва мосламалар ҳам инфекцияга қарши кураш йўлидаги ана шундай самарали усуллардан ҳисобланади.

“Деҳқон бозори”нинг кириш қисмига ўрнатилган мослама фуқароларни якка тартибда зарарсизлантиришга мўлжалланган бўлиб, унинг самарадорлик даражаси юқори бўлиши кутилмоқда.

Ушбу тозалаш механизми ўзининг қулай техник жиҳатлари билан, бозорга ташриф буюраётганларнинг эҳтимолли инфекция аломатларидан тозаланишларига кўмаклашмоқда

Шунингдек, туманга кириб келувчи вақтинчалик карантин постларига ҳам шунга ўхшаш дезинфекцияловчи махсус мосламалар ўрнатилдики, унинг ёрдамида инсон омили камайтирилган ҳолда дезинфекция жараёнлари нисбатан тезроқ амалга оширилмоқда.

Зарарсизлантирувчи бундай махсус мосламалар туманнинг бошқа нисбатан серқатнов ҳудудларида ҳам санитария-гигиена хавфсизлик таъминлаш мақсадида ўрнатилиши режалаштирилмоқда.

Ўзбекистон тумани ҳокимлиги Ахборот хизмати