1. Bosh sahifa
2. Yangiliklar

Профилактика мақсадида тумандаги Деҳқон бозори яна бир бор тўлиқ дезинфекция қилинди

×

Коронавирус инфекцияси тарқалишининг олдини олиш ва бозор ҳудудида санитария-эпидемиологик осойишталикни таъминлаш, тадбиркор, сотувчи ва харидорларнинг соғлиғини ҳимоя қилиш мақсадида Яйпан шаҳрида жойлашган деҳқон бозори ҳудудида махсус хлорли суюқлик билан тўлиқ дезинфекция ишлари амалга оширилди.

Бугун, душанба-туман Деҳқон бозорида эълон қилинган “Тозалик куни”да ўтказилган дезинфекция ишлари деҳқонлару-савдогарларга ва харидорларга ҳам ҳеч қандай ноқулайлик туғдирмаслигига алоҳида эътибор қаратилди.  

       Дезинфекция ишларида туман Фавқулодда вазиятлар бўлимининг куч-воситаларидан кенг фойдаланилди.

- Бугун, Деҳқон бозори ҳудуди билан биргаликда, марказий кўчаларда ҳам кенг кўламли дезинфекция ишларини ўтказишга эришдик. Касалликнинг олдини олиш, унга қарши курашишда бўлимимиз ходимлари ҳамиша шай ҳолатда, – дейди ФВБ профилактика ва назорат бўлинмаси бошлиғи майор Р.Сайдуллаев.

- Айни кунларда тумандаги барча муассасаларда тозалик ва дезинфекция тадбирларини кучайтиришдан асосий мақсадимиз инфекция тарқалишининг олдини олиш ва фуқароларимизнинг саломатлиги хавфсизлигини таъминлашдан иборатдир дейди, - туман санитария-эпидемиологик осойишталиги маркази бош врачи А.Сулаймонов.

Ўзбекистон тумани ҳокимлиги Ахборот хизмати